فرحة عيد الأضحي السنادي كان ضعفها خير لإن مؤسسة مصر الخير بدعمكم قدرت توصل فرحة العيد لأكتر من 394 ألف أسرة مستحقة بتوزيع لحوم الأضاحي لأبعد مكان في جميع محافظات مصر

وعشان تنمية الإنسان مهمتنا الأساسية..  كان توفير الإحتياجات الأولية للإنسان أكبر اهتمامتنا

من 2013 أطلقنا مشروع أرض الخير عشان يكون مصدر دخل لشباب كتير و كمان يكون سبب تنمية الثروة الحيوانية بمصر عشان نحل مشكلة نقص اللحوم اللي بتستهلك جزء كبير من العملة الصعبة نتيجة للاستيراد.

في أرض الخير بنوفر فرص عمل لأكتر من 1100 مستفيد كل سنة.. 80% منهم من السيدات المعيلة بيتم اختيارهم بناءا علي معايير الأكثر استحقاق وبيتم تسليم كل مستفيد 20 ماشية بيتم تربيتهم في مزارع أرض الخير الموجودين في أسيوط وسيناء والوادي الجديد والواحات البحرية.

وخلال 6 شهور بس بيتم تعليم الشباب أحدث الطرق العلمية في التربية الحيوانية باتباع أحدث أساليب الرعاية الطبية والإشراف البيطري

وزي كل سنة صك الأضحية من مؤسسة مصر الخير كان كله من مزارع أرض الخير27 كيلو لحم بلدي صافي 18 منهم اتوزعوا على المستحقين و9 كيلو نصيب المتبرع من الصك.


موقع مصر الخير غير مسؤل عن محتوى التعليقات

حمّل الآن تطبيق مؤسسة مصر الخير للهواتف الذكية