زي كل سنة.. مؤسسة مصر الخير بتفتخر بكل حد شارك ودعم وكان سبب في وصول الخير على إيدينا للمستحقين في مصر.
الخير منكو.. وبيكو بيوصل وبيزيد سنة عن التانية. وفي سنة 2017 حققنا أرقام وإنجازات بنشاركها معاكم زي ما شاركتونا كل نشاط وكل برنامج كنا بنحاول نلبي بيها كل احتياجات المستحقين على مدار السنة.
السنة اللي فاتت قدرنا نحقق أكتر من 13 مليون و600 ألف خدمة في مختلف مجالات التنمية، قدرنا نكون وسيط خير يوصلهم من كل حد ساهم واتبرع لمؤسسة مصر الخير للمستحقين.
مشاركاتكم قدرت تسهّل التعليم لأطفالنا عن طريق المدارس المجتمعية، والعلاج للمناطق الحدودية واللي مش بيتوفر فيها الدواء والأجهزة الطبية المطلوبة.. وقدرنا نوصل بيها لـ 5 مليون صائم ونفطرهم في شهر رمضان الكريم.
واحنا لسه معاكو في 2018.. وبثقتكم في مؤسسة مصر الخير وكل اللي بتقدموه هنكون دايماً في مساعدة كل مستحق في كل بيت في مصر.


موقع مصر الخير غير مسؤل عن محتوى التعليقات

إشتراك في النشرة الإخبارية