زي ما كلنا عارفين فيروس سي يعتبر من الأمراض المنتشرة بشكل كبير في مصر.. وبنحاول طول الوقت نوعّي نفسنا قبل غيرنا بمخاطره وبنتعرف على طرق للوقاية منه.

وخلال السنين الأخيرة اللي فاتت كان فيه حالات كتير بدأت تتعالج، ونسبة انتشار المرض بدأت تقل.. لكن لسه هدفنا نقضي تماماً على المرض.

وعشان كده بدأنا حملتنا (احمي نفسك من فيروس سي) بالتعاون ما بين مؤسسة مصر الخير وشركة المصرية للاتصالات، عشان نتعرف أكتر على المرض وإزاي بتحصل الإصابة وإزاي نتجنبها.. وهنبدأ أول حاجة بالتعريف بالمرض نفسه.
فيروس سي أو مرض التهاب الكبد الوبائي C هو مرض معدي بيؤثر بشكل رئيسي على الكبد، وبيحصل بشكل أساسي بسبب عمليات نقل الدم بطرق غير سليمة.

ويقدر عدد المصابين بالمرض في العالم كله حوالي 130-170 مليون شخص، ومشكلة فيروس سي الحقيقية إنه مالهوش أعراض معينة واضحة.. وعشان كده ممكن ياخد وقت طويل لحد ما يتم اكتشافه، وساعتها ممكن يتسبب للأسف في ضرر كبير للكبد وتليف وفي بعض الحالات ممكن يوصل لسرطان أو للوفاة والعياذ بالله.


موقع مصر الخير غير مسؤل عن محتوى التعليقات

إشتراك في النشرة الإخبارية
أبدي إعجابك على الفيسبوك
-->