من ضمن أهم المشروعات في قطاع الصحة في مؤسسة مصر الخير مشروع (مصر خالية من فيروس سي).. وبنجتهد في القيام بدورنا كأحد منظمات المجتمع المدني الرئيسية في مصر في المشاركة بكل الطرق في مكافحة المرض والتوعية بأضراره.
بدأنا بالفعل في المرحلة الأولى منه بالتعاون مع شركة المصرية للاتصالات، والحمد لله تمت بنجاح.. وفي الوقت الحالي بنعمل على تنفيذ المرحلة التانية.
في المرحلة الأولى كنا قمنا بحملات توعية في محافظات القاهرة، والإسكندرية، والدقهلية، وبني سويف، والمنيا، وسوهاج، وأسيوط، والبحيرة، والشرقية، والغربية، والإسماعيلية، والسويس، وكفر الشيخ، والمنوفية، وأسوان.
وفي المرحلة التانية اللي بدأناها السنة دي من شهر مارس اللي فات ومكملين لحد آخر يوم في السنة دي.. دعمنا محافظات كفر الشيخ، والمنوفية، وأسوان.
في المرحلة التانية للحملة.. قدمنا 600 ندوة للتوعية وقدرنا نوصّل لـ 50,000 مواطن بشكل عام وأغلبهم كان من الشباب ومن العاملين في المجالات اللي بينتشر فيها المرض بشكل خاص.
ولسه مكملين في حملتنا وبنستهدف الاستمرار حتى بعد الانتهاء من المرحلة التانية.. وقمنا بعمل شبكة بالتعاون مع عدد كبير من الجمعيات الأهلية للتواصل والتوعية بمخاطر فيروس سي عشان يبقى لينا أثر أكبر في إنهاء المرض ده في مصر خلال السنين القليلة اللي جاية.


موقع مصر الخير غير مسؤل عن محتوى التعليقات

إشتراك في النشرة الإخبارية
أبدي إعجابك على الفيسبوك
-->