من فترة للتانية بنسمع عن انجازات بيحققها شباب وبنات مصريين من ذوي الإعاقة، فيه اللي بيحقق بطولة أو مركز أول في رفع الأثقال أو في السباحة.
لكن النهارده هنتكلم عن بطلة مصرية من ذوي الإعاقة في 3 مجالات رياضية مختلفة. رحمة خالد من المصابين بمتلازمة داون، لكن ده ما كانش عقبة تماماً في طريق نجاحها.
رحمة بتشارك في بطولات دولية ومحلية في السباحة والتنس وكرة السلة، وشاركت في شهر يوليو اللي فات في بطولة العالم لمتلازمة داون في إيطاليا، وقدرت تجيب الميدالية البرونزية لمصر.
وبجانب ده كله بتدرس في معهد الألسن للسياحة والفنادق في سنة تالتة، وبتقوم بأنشطة في المدارس للتوعية بدمج ذوي الإعاقة، وطرق المشاركة المختلفة ليهم في المجتمع.
ورحمة كانت المتحدث الرسمي باسم ذوي الإعاقة عن منطقة الشرق الأوسط وشمال أفريقيا لمدة 3 سنوات من 2012 ولحد 2014، بالإضافة لكده.. كانت مشاركة كأول عضو في المجلس الاستشاري للأولمبياد الخاص الدولي من المصابين بمتلازمة داون.
وكمان كانت مشاركة الأسبوع ده في الاحتفال باليوم العالمي للإعاقة في شرم الشيخ في محافظة جنوب سيناء، وكان من ضمن الفعاليات مشاركة جماعية مع عدد من ذوي الإعاقة في السباحة، وتم الإعلان في نفس اليوم عن محافظة جنوب سيناء كمحافظة صديقة للبيئة.
وعندها هوايات تانية كتير كمان.. زي التصوير، والتمثيل، وتربية الحيوانات، وساعات كمان بتشارك في تقديم الحفلات والمؤتمرات.


موقع مصر الخير غير مسؤل عن محتوى التعليقات

إشتراك في النشرة الإخبارية
أبدي إعجابك على الفيسبوك
-->