المدفوع: 500,00ج.م

المطلوب: 10.000,00ج.م


ساهم في حملة دعم طلاب مركز سيدي براني في محافظة مطروح عشان يبدأوا سنتهم الدراسية الجديدة في مدارس مصر الخير المجتمعية.

عايزين في أسرع وقت ممكن نوفر للخمس طلاب دول المستلزمات والمصروفات للسنة الدراسية بالكامل.. اتبرع وشوف هتقدر تدعم كام طالب.

– حبيبة حفيظ فرج

حبيبة كان حلمها تكون دكتورة القرية ولما لقت مدرسة مصر الخير المجتمعية على بعد 200 متر بس من بيتها.. قررت تبدأ من هنا وتحقق حلمها. والحمد لله السنة اللي فاتت حبيبة خلصت سنة أولى، والسنة دي عايزة تكمّل وتبدأ مع السنة الدراسية الجديدة وتبقى في سنة تانية إبتدائي.

– كريم صبحي جمعة

كريم من صغره نفسه يتعلّم وكان بيشتغل مع والده في الغيط، ولما كبر واتأخرعن التعليم لقى فرصة في التعليم المجتمعي مع مؤسسة مصر الخير قدّم واتقبل، وانتبه لدراسته وبس.. وبدأ يحقق حلمه في مشروع مدارس مصر الخير المجتمعية.

– عبد الرحمن بشر علي

عبد الرحمن خلص سنتين في المدرسة، وحلمه إنه يطلع مدرس عشان يساعد الأطفال اللي في سنه يكملوا تعليمهم، طلع الرابع على مدرسته السنة اللي فاتت، والسنة دي هدفه يطلع الأول على المنطقة مش بس المدرسة.

– شريف عوض محمود

شريف طالع سنة رابعة ابتدائي السنة دي.. وطول السنين اللي فاتت كان مواظب جداً على الحضور والمذاكرة عشان نفسه يخلص المدرسة ويدخل الجامعة ولما يكبر يطلع دكتور يعالج أهالي قريته ومنطقته.

– حمزة سعيد محمد

لولا ظروف الأسرة والبيت.. كانت أقرب مدرسة ليه على بعد 8 كيلو في طريق من غير أي مواصلات، لكن أول ما لقى فرصة تعليم في مدارس مصر الخير قريبة جداً من بيته، واظب واجتهد ودلوقتي حمزة في سنة تانية ابتدائي، وحلمه أن يكون أشهر مهندس معماري في بلده عشان يغير شكل قريته.

*تكلفة المستلزمات المطلوبة للطالب الواحد للسنة الدراسية بالكامل 2000 جنيه.


موقع مصر الخير غير مسؤل عن محتوى التعليقات

9.500,00ج.م المتبقي


إشتراك في النشرة الإخبارية